الـ Hiring Cost عالية؟ 6 طرق تقللها بيهم!

تعيين موظف جديد بيكون مكلف لأغلب الشركات، والتكلفة دي مش ثابتة في أغلب الحالات وبتختلف حسب الخبرة المطلوبة، فمثلا تكلفة تعيين Senior Manager أو Director بتكون أعلى من تكلفة الـ Fresh Grad أو الـ Junior، التكاليف دي بتتمثل في الوقت والمجهود اللي بيحتاجه الـ Recruiting Team في إنهم يقدروا يختاروا موظف يطابق المعايير اللي الشركة محتاجها مع الأخذ في الاعتبار أن مرتبات الـ Recruiting Team تعتبر من التكلفة اللي بتحملها الشركة في التوظيف، بعض الشركات بتستعين بـ Recruiting Agency، وعلى الرغم من إن الحل دا يبدوا انه بيوفر جهد كبير إلا إنه في أغلب الأوقات بيكون مكلف جدا لان النسبة اللي بيطلبوها بتكون عالية جدا.

بغض النظر عن أي طريقة شركتك بتستخدمها في الطريقتين خلينا نقولك على 6 طرق تقدر تقلل بيها تكلفة التوظيف

1- استغل الـ Referrals من موظفي شركتك

دايما اسأل موظفي شركتك لو يقدروا يرشحوا حد يكون مناسب للوظيفة المتاحة، دي اسهل واسرع طريقة، لانها بتقلل وقت البحث عن مرشحين عن الطرق التقليدية، وتنتقل من البحث مباشرة إلى الـ Interview، على الرغم من إن الطريقة دي ممكن تحتاج جزء من الميزانية كـ Thank you Bonus للي يقدر يرشح فعلا موظف مناسب لكن على المدى الطويل هتكون Cost Effective، لأن الموظفين دايما هيرشحوا ناس هما عارفين انهم مناسبين للـ Requirements وكمان مشابهين للـ Culture في شركتك.

2- اتأكد من إن الـ Careers page في موقع شركتك SEO Friendly

الـ Careers page هي أول حاجة الـ Candidates بتعرفهم بيك وتقدر تنقلهم الـ Employer Branding اللي انت عايزهم يعرفوه عنك، الـ Job Seekers هيستخدموا الموقع عشان يعرفوا ايه الوظائف المتاحة في شركتك وايه شكل الشغل في الشركة دي، عشان كدا مهم تتأكد من إن الـ Careers page بتستخدم الـ Keywords الصح اللي الـ Job Seekers بيستخدموها في البحث عن فرص مناسبة ليهم، خلي الموقع بتاعك Mobile Friendly والـ Page speed كويسة عشان تضمن Experience أفضل ليهم وتشجعهم يقدموا على الوظائف المتاحة عندك بدون ما تستعين بأي مصدر خارجي.

3- عين من خلال الـ Social Media

لو انت بتوفر Work Environment كويسة للموظفين دا هيساعدك على انهم يشاركوا متابعينهم على الـ Social media طبيعة شغلهم والـ Day to day Operations والـ Culture في الشركة اللي هم شغالين فيها، الشفافية والمصداقية دي هتساعدك تقدم Employer Brand قوية وبالتالى بتزود حجم الـ Applications اللي هتستقبلها على الـ Job posting من خلال الجمهور اللي متابعين الـ Brand بتاعتك وبالتالي هيكون عندهم استعداد أكبر إنهم ينخرطوا في ثقافة شركتك ويكون عندهم نفس الـ Values والـ Vision

الـ Social Media ممكن تكون أداة قوية ومجانية بالكامل في حالة انك قدرت تستخدمها صح وقدرت توصل من خلالها الـ Messages اللي تقدر بيها تتفاعل مع الـ Followers بتوعك، كمان انت تقدر تستخدمها في انك تستهدف بيها جمهور معين عشان تقدر تعلن ليهم عن الـ opportunity المتاحة عندك.

لما تبدأ ماتنزلش إعلان على كل الـ Platforms المتاحة، ولكن أختار المناسب للـ Target Audience، وغالبا ممكن تلاقي ان LinkedIn هو الأنسب للـ Recruitment Strategy الخاصة بيك، وكمان Facebook منصة مفيدة جدا لأنك مش بس تقدر تستهدف الـ Active Job Seekers ولكن كمان هتقدر توصل للـ Passive Job Seekers اللي مستعدين يبدلوا وظائفهم ولكن مش بيبحثوا بشكل حيوي عن وظيفة، تقدر كمان تستغل Twitter و Instagram عشان توصل الـ Work Experience و الـ Culture عندك في الشركة.

4- اكتب Job posting صح

الـ Job Posting هو المفتاح للـ Candidates الصح لشركتك، ولكن ازاي تكتب Job description يقدر يوصلك بيهم؟ هانشاركم نصايحنا والطرق الفعالة اللي ممكن تحسن من مستوى الـ Job posting

الـ Job Title، هو أول حاجة الـ Job Seekers بيشفوها وعشان كدا اعمل Research كويس واستخدم عناوين تكون بتعكس طبيعة الوظيفة اللي بتعلن عنها واللي الـ Candidates غالبا بيستخدموها في البحث عن الوظيفة دي.

الـ Company Description & Culture في أول الـ Job Description اكتب نبذة عن الشركة وايه الخدمات اللي بتقدمها والمجالات اللي بتشتغل فيها، وعن الثقافة العامة للشركة والـ Value المهمة بالنسبة ليها.

الـ Job Position Description اكتب Brief دقيق عن المنصب أو الوظيفة المتاحة في شركتك وركز على الـ Impact اللي هايعمله المنصب دا على الشركة وايه الصفات والمهارات اللي تكون متوافرة في الـ Candidate المثالي بالنسبة للوظيفة.

الـ Responsibilities، شارك الـ Candidates تفاصيل الوظيفة ومتطلباتها على شكل Polited list، قولهم ايه اللي بيعملوه وايه دورهم بدل ماتقولهم يعملوه ازاي.

 الـ Benefits لو فعلا عايز تجذب انتباه اكتر عدد ممكن من الـ Qualified Candidates لازم تسوق نفسك عندهم وتقولهم ايه اللي هيستفادوا لما يشتغلوا معاك.

الـ Compensation، دايما هاتكون فكرة حلوة انك تحط Compensation Range عشان تقدر تحدد للـ Candidates توقعاتهم وكمان تضمن انك تقدر تتحمل مرتب اللي هيتقدموا للوظيفة.

5- اعتمد أكثر على مواهب الـ Freelancers

ممكن تفتكر انها حاجة غريبة اننا ننصحك تستعين بخدمات الـ Freelancers في مقال بيتكلم عن التوفير في الـ Hiring Cost، على رغم من أن تكلفة المعاملة الواحدة مع الـ Freelancer غالبا أغلى من انك تعمل نفس المعاملة مع حد يكون In house عندك في الشركة ولكن الميزة الأساسية في التعامل مع الـ Freelancers هي المرونة في التعامل وانك تستعين بالخدمات اللي ممكن يقدموها ليك لما تحتاجها فقط ومش مضطر انك تتحمل الـ Cost of Hiring مع الموظف العادي ولا حتى تدفع له المرتب بشكل دائم سواء استعنت بخدماته أو لا.

6- احضر Career Fairs

انك تحضر معرض توظيف زي Egypt Career Summit هيساعدك تخفض الـ Cost Of Hiring لان فيه مميزات كتير زي:

1. بيوفر وقت ومجهود لان في خلال من 3 - 5 ساعات هتكون وصلت لأكبر عدد من الـ High Quality Candidates.

2. يساعد على انتشار الـ Brand Awareness الخاصة بشركتك وكمان بيزود الـ Employer Branding ودا هيساعدك في عمليات التوظيف الحالية والمستقبلية.

3. Candidates أفضل لأن الـ Career fairs بتكون مركزة على صناعات ومجالات ومهارات محددة مسبقًا زي مثلا Egypt Career Summit

4. بيكون في Face To Face Interaction ودا هيساعدك انك تقدر تقيم المهارات اللي عند الـ Candidates وتقدر كمان تحدد انت هتتواصل مع مين بعدها بشكل أسرع.

وأخيرا خلينا نقولك ان عملية التوظيف هتكون مكلفة بشكل أو بآخر سواء من ناحية الوقت، والمجهود والفلوس، ولكن وجود Strategy تحدد ازاي تستخدم الموارد دي بشكل نموذجي يخليك تاخد قرار تعيين أفضل ومن خلالة تقدر تعلي الـ Employees Retention واللي بشكل عام هيساعدك تخلي شركتك أقوي بشكل عام، وعشان كدا خلينا نفكرك بأهم النصائح في المقال دا:

استغل الـ Referrals من موظفي شركتك لان دا هيساعدك توصل لـ Candidates الـ High Quality في وقت سريع.

خلي الـ Careers Page في موقع شركتك SEO Friendly.

استغل الـ Social media في انك توصل للـ Job Seekers بشكل أكثر انتشارا.

اتأكد من إن الـ Job Posting مكتوب صح.

استعين بخبرات الـ Freelancers.

اشترك في Job Fairs .