ع
Search for courses, vacancies, internships
Search for anything: courses, vacancies, internships...

Which is More Important Certificate or Skills?

Posted since: 1 year ago

الشهادة مهمة بس المهارات أهم ... 5 مهارات لازم تعرفهم قبل ما تقدم على شغل

أهم مفتاح في إنك تقدر تلاقي وظيفة هو فهمك للسوق في مجالك بشكل عام وأصحاب الأعمال بشكل خاص محتاجين ايه من الموظفين، لأن في الأول وفي الأخر في معظم الشركات مؤسسات ربحية وعشان كدا هم محتاجين الموظف اللي يطلع أعلى جودة ممكنة وفي أسرع وقت ممكن.

معظم الشركات مش بتهتم بشكل كبير أنت معاك شهادة ولا معاك خبرة المهم انك تكون بتعرف تشتغل بالمعايير اللي هم محتاجينها وهنا خلينا نقولك أنت محتاج تقف شوية لأن ساعات مش الصح هو إنك تقدم على شغل مباشرة بعد التخرج لأن الشهادة هتخليك واحد شبه آلاف الخريجين من مجالك ولكن نصيحتنا هنا هي إنك تصبر لحد ما تكون رصيد حلو من المهارات والخبرات اللي تخليك تتميز عن باقي المتقدمين اللي معاك، والاحسن كمان لو تبدأ بدري شوية عن الباقي وهي إنك تبدأ في تحصيل المهارات والخبرات والشهادات دي وأنت لسة طالب او في أقرب وقت ممكن من قرارك لدخول المجال دا، و خلينا نقولك علي أهم 5 مهارات وكورسات أنت محتاجها في أغلب مجالات العمل.

خلّي الـCV يتكلم عنك

https://career-180.com/en/courses/cv-writing-in-15-mins

تخيل نفسك مكان الـ Recruiter وبتراجع مئات الـ CVs تعتقد كل واحد هياخد وقت معاك اد ايه؟ على الأغلب 30 ثانية، عشان كدا أنت محتاج الـ CV بتاعك يشد العين في الوقت القليل دا، خليك فاكر أن الـ Recruiter مايعرفكش أنت أو غيرك وان الـ CV اللي أنت هاتكتبه هو اللي هيعرفه بيك ويخليه ياخد قرار أنت تستاهل تاخد فرصة الـ Interview ولا حد غيرك، فكر في الـ CV بتاعك وأنت بتكتب على انه هو اللي هيوصلك للوظيفة اللي أنت بتحلم بيها أو لا، ابعد عن الـ Template الموجودة Online لإنها ممكن تساعدك تملى الـCV بس في الاخر هيكون شبه كتير غيره

عشان تعمل CV كويس حاول تطبق في النصائح التالية:

ما يزيدش طوله عن نص صفحة أو صفحة بالكتير

خليك واضح وحدد الهدف من الكلام اللي مكتوب.

سيب مساحات بيضاء عشان العين تستريح فيها.

وضح الـ Contacts بتاعتك.

حاول تعدل الـ CV مع كل وظيفة بتقدم عليها حسب الـ Job Description.

منصة Linkedin

https://career-180.com/en/courses/linkedin-for-job-seekers

منصة LinkedIn بتعتبر أكبر Platform متخصصة في الـ Professional networking وبتوصل أصحاب الأعمال بالموظفين ومن خلاله تقدر تقدم على عدد كبير من الوظائف في مجالك، بس الموضوع أبعد من إنك تعمل حساب وتقدم على وظيفة، لان كدا هتكون واحد شبه آلاف بيقدموا على وظيفة، لازم تتعلم ايه أهم الميزات اللي LinkedIn يقدمها لك وتستغلها في إنك تظهر أكثر في الـ Search ، وازاي تبني Community وتستغله في إنك تلاقي وظيفة أحسن وأسرع، ممكن تعرف أكتر عن LinkedIn من خلال LinkedIn For Job Seekers ، اللي بنقدمه على Career 180.

اعمل Interview للشركة

https://career-180.com/en/courses/how-to-pass-an-interview

 لو فاكر إن الشركات بتختار الموظفين على أساس المهارات الوظيفية بس، يبقي الاحسن ليك إنك تكمل قراءة المقال دا، الـ CV هايوصلك لحد باب الشركة والباقي يعتمد على أدائك في الـ Interview، اتعلم تتكلم عن نفسك ويكون عندك Self-presentation Skills،وازاي تتكلم عن إنجازاتك السابقة؟ محتاج تحدد الشركة دي هتكون مناسبة ليك ولا لا؟ وايه احسن طريقة تعمل بيها Research عنها؟ وكيف تستغل الـ Research كميزة إضافية ليك في الـ Interview، وايه هي الأسئلة اللي تسألها لهم؟ كل دا هيساعدك تنجح في أي Interview وكمان هيديلك مساحة إنك تقيم الشركة زي ما هما هقيموك.

أنت البراند

https://career-180.com/en/courses/personal-branding

عمرك بصيت لشخص وحسيت إنه جذب انتباهك بسرعة وخلاك تركز معاه؟ أهو الشخص دا عندة Personal brand قوية، اللي الشخص دا عمله هو انه سوق لنفسه بطريقة تثبت مصداقيته وسلطته وبمرور الوقت بيجذب ناس اكتر حواليه.

لسه بتسأل ليه الـ Personal branding مهم؟

أصحاب الأعمال بيدوروا موظفين مميزين وعندهم شئ زيادة يقدموه الـ Personal branding يسعدهم انهم يفتكروك ويخليك حاضر في ذهنهم بشكل دائم.

بيتيح ليك فرص أكتر من غيرك، لان الهدف منه هو خلق إنطباع بالخبرة في مجالك وبالتالي ال Personal branding الناجح هيخلي أصحاب الأعمال بيمنحوا لك فرص اكتر من غيرك للشغل معاهم.

 الـ Personal branding ، بيساعدك توصل للناس شعور انهم يعرفوك من زمان من خلال شكلك وكلامك وعوامل نفسية كتير بتوصل للناس شعور انهم طوروا معاك علاقة شخصية وبالتالي يثقوا فيك بشكل أسرع وأسهل.

 خلي عندك plan A, B, C…,Z

https://career-180.com/en/courses/introduction-to-strategic-planning

أو بمعنى آخر خليك Strategic Planner، دا هيساعدك تحدد أهدافك على المدى القصير والطويل وازاي تقدر توصلهم، ال Strategic planning ليه مراحل وخطوات بتمشي عليها عشان تقدر توصل لهدفك منها:

Strategy formulation، هي المرحلة اللي بتبدأ فيها تقييم وضعك الحالي عن طريق الـ SWOT analysis وهو معرفة نقاط قوتك واستغلالها ونقاط ضعفك وازاي تعالجها والفرص المتاحة واستخدامها لصالحك والتهديدات الخارجية وتغلبك عليها

Strategy Implementation، بعد ما تقيم وضعك محتاج تحدد أهدافك اللي عايز تحققها بس لازم تكون أهداف ذكية (SMART) يعني تكون محددة، قابلة للقياس، قابلة للتحقق، ذات صلة ببعضها والهدف الرئيسي اللي أنت عايز تحققه وأخيرا ليها وقت محدد.

Strategy evaluation بعد انتهاء الوقت المحدد لقياس مدى تقدمك بتعمل تقييم الأهداف اللي خطط ليها، بيقوم على التالي تقييم العوامل الداخلية والخارجية اللي أثرت في تطبيق الـ Strategy وقياس اداء وفعاليتها، وايه الاجراءات اللي تتخذها عشان تقدر تحسن منها.

الـ Strategic Planning مهم لجميع المؤسسات والشركات والافراد كمان، وأنت كباحث عن وظيفة مهم جدا يكون عندك خطة عشان تقدر تاخد قرارات بشكل أفضل و تحسن من أدائك في كل مرة بتقيم نفسك دا غير إن المهارة دي هتضيف ليك ميزة عند أصحاب الشركات وتساعدك على إنك تلاقي وظيفة بشكل أسرع وممكن كمان مرتب أعلى.

زي ما ممكن نستنتج من المقال كله إن أهم مهارة ممكن تتعلمها هي الـ Research ازاي تقدر تلاقي المعلومات اللي انت محتاجها في مجالك خاصة أو في سوق العمل بشكل عام، وخليك فاكر إن:

الشهادة مهمة فعلا، ولكن هي مش كل حاجة مش كفاية تشتغل الوظيفة اللي بتحلم بيها.

الـ CV هو أول حاجة بتوصلك بالشركات والـ Recruiters حاول تخليه بيعبر عنك على أد ما تقدر.

LinkedIn هو أكبر منصة بتجمع أصحاب الأعمال بالموظفين فخلي الـ ِAccount بتاعك عليه.

 أعمل Research عن الشركة اللي قدمت على وظيفة عندهم عشان تقدر تحدد هتكون مناسبة ليك ولا لا؟ وكمان عشان تحسين فرصك في القبول عندهم .

الـ Personal branding أداة قوية وهيسهلك مراحل كتير في رحلتك الوظيفية بشكل عام .

خليك Strategic planner وعندك أكثر من خطة.


Have Question? Get in touch!

We are happy to answer your question regarding our services and programs that we provide.

Contact us